tiktok³ÉÈË°æ

Yn gryno

Mae’r cymhwyster Lefel 3 hwn yn cynnwys sgiliau a rhaglenni defnyddiwr TG lefel uwch. Trwy gwblhau’r cymhwyster hwn, byddwch chi’n datblygu’r wybodaeth a’r sgiliau defnyddiwr TG uwch angenrheidiol i weithio’n gynhyrchiol mewn swydd rheoli sy’n gofyn am ddefnydd arbenigol o raglenni meddalwedd TG cyffredin.

Mae’r cwrs hwn ar gael fel rhan o Gyfrif Dysgu Personol. Mae Cyfrif Dysgu Personol yn fenter gan Lywodraeth Cymru sy’n cynnig cyfle i bobl gael mynediad at gyrsiau rhan-amser am ddim sy’n cynnig dysgu hyblyg, cyfleus sy’n cyd-fynd â’u ffordd o fyw bresennol (yn amodol ar gymhwysedd).

Mae'r cwrs hwn ar gyfer...

... unrhyw un 19+ oed, sy’n byw yng Nghymru ac sydd mewn cyflogaeth gan ennill yn llai na £34,303 y flwyddyn.

… unrhyw un sy’n dymuno datblygu sgiliau a gwybodaeth defnyddiwr TG uwch.

… unrhyw un sy’n dymuno dysgu sgiliau ymarferol a sgiliau trosglwyddadwy i wella effeithlonrwydd a chynhyrchiant yn ei faes gwaith.

Cynnwys y cwrs

Cyflwynir y cwrs hwn drwy ystafell ddosbarth rithwir. Mae ystafelloedd dosbarth rhithwir yn gyfatebol i gyrsiau a gyflwynir wyneb yn wyneb mewn ystafelloedd dosbarth ond maent yn cael eu cyflwyno mewn amgylchedd ar-lein.

Hyd y cwrs: 15 diwrnod

Trwy gydol y cwrs, byddwch chi’n dysgu am y canlynol:

Byddwch chi’n cwblhau 5 uned orfodol unigol:

• Meddalwedd Prosesydd Geiriau
• Meddalwedd Taenlenni
• Meddalwedd Cyflwyniadau
• Meddalwedd Cronfa Ddata
• Gwella Cynhyrchiant

Gallwch chi ddisgwyl datblygu sgiliau gan gynnwys:

• Sut i ddefnyddio offer TG i wella cynhyrchiant a gweithio’n fwy effeithiol; megis defnyddio offer awtomataidd a nodweddion uwch rhaglenni meddalwedd.
• Sut i wireddu potensial llawn meddalwedd taenlenni i gynhyrchu gwybodaeth reoli o safon uchel.
• Sut i ddefnyddio nodweddion uwch meddalwedd prosesydd geiriau i wella gwaith, gwella cynhyrchiant ac arbed amser.
• Sut i ddefnyddio nodweddion uwch i greu cyflwyniadau o safon uchel a dangos sgiliau cyflwyno arbenigol.
• Sut i ddefnyddio offer uwch sydd ar gael o fewn meddalwedd cronfa ddata i drefnu a rheoli gwybodaeth.

Gofynion Mynediad

Dim – fodd bynnag, disgwylir i ymgeiswyr feddu ar wybodaeth dda iawn am raglenni Microsoft Office, sydd fel arfer yn cael eu cynnwys yn ICDL Lefel 2 neu gwrs cyfatebol.

Bydd angen mynediad i’r rhyngrwyd arnoch chi, cyfrifiadur  Windows a gwe-gamera / meicroffon.

Gwybodaeth Ychwanegol

Nod y rhaglen Cyfrif Dysgu Personol yw darparu cyngor ac arweiniad gyrfa o safon i gyfranogwyr cyn dechrau eu dysgu, yn ystod eu dysgu ac ar ôl eu dysgu.

Cyn i chi gael eich cofrestru ar eich cwrs a ariennir gan y rhaglen Cyfrif Dysgu Personol, trafodir cynllun dysgu unigol gyda chi i sicrhau bod y dysgu cywir wedi cael ei ystyried.

Bydd hyn yn cynnwys trafodaeth gyffredinol ar y pynciau canlynol:

• addysg ffurfiol neu gymwysterau mewn meysydd cysylltiedig
• profiad blaenorol yn y diwydiant neu’r maes
• dyheadau gyrfa
• ymroddiad amser angenrheidiol