tiktok³ÉÈË°æ

Yn gryno

Mae’r arholiad hwn wedi’i ddylunio ar eich cyfer chi os ydych chi’n dymuno dangos gwybodaeth ar lefel sylfaenol am ddatrysiadau seiliedig ar y cwmwl i hwyluso cynhyrchiant a chydweithredu ymhlith gweithwyr ar y safle, gweithwyr o bell a gweithwyr hybryd. Fel ymgeisydd, efallai eich bod chi’n:

• Meddu ar wybodaeth am ddatrysiadau seiliedig ar y cwmwl.
• Newydd i Microsoft 365.
• Gallu defnyddio’r arholiad hwn i baratoi ar gyfer ardystiadau Microsoft eraill ond nid yw’n ofynnol ar gyfer y rhai cysylltiedig.

Mae’r cwrs hwn ar gael fel rhan o Gyfrif Dysgu Personol. Mae Cyfrif Dysgu Personol yn fenter gan Lywodraeth Cymru sy’n cynnig cyfle i bobl gael mynediad at gyrsiau rhan-amser am ddim sy’n cynnig dysgu hyblyg, cyfleus sy’n cyd-fynd â’u ffordd o fyw bresennol (yn amodol ar gymhwysedd).

Mae'r cwrs hwn ar gyfer...

... unrhyw un 19+ oed, sy’n byw yng Nghymru ac sydd mewn cyflogaeth. Nid yw’r terfyn cyflog arferol o £34,303 yn berthnasol ar gyfer y cwrs hwn.

Cynnwys y cwrs

Cyflwynir y cwrs hwn drwy ystafell ddosbarth rithwir. Mae ystafelloedd dosbarth rhithwir yn gyfatebol i gyrsiau a gyflwynir wyneb yn wyneb mewn ystafelloedd dosbarth ond maent yn cael eu cyflwyno mewn amgylchedd ar-lein.

Hyd y cwrs: 1 diwrnod

Trwy gydol y cwrs, byddwch chi’n dysgu am y canlynol:

• Cysyniadau Cwmwl
• Gwasanaethau Craidd Microsoft 365
• Diogelwch, Cydymffurfiaeth, Preifatrwydd ac Ymddiriedaeth
• Prisio a Chymorth Microsoft 365

Gofynion Mynediad

Dim – Dylai ymgeiswyr feddu ar wybodaeth gyffredinol am rwydweithio, cyfrifiaduron a chysyniadau cwmwl

Bydd angen mynediad i’r rhyngrwyd arnoch chi, cyfrifiadur  Windows a gwe-gamera / meicroffon.

Gwybodaeth Ychwanegol

Nod y rhaglen Cyfrif Dysgu Personol yw darparu cyngor ac arweiniad gyrfa o safon i gyfranogwyr cyn dechrau eu dysgu, yn ystod eu dysgu ac ar ôl eu dysgu.

Cyn i chi gael eich cofrestru ar eich cwrs a ariennir gan y rhaglen Cyfrif Dysgu Personol, trafodir cynllun dysgu unigol gyda chi i sicrhau bod y dysgu cywir wedi cael ei ystyried.

Bydd hyn yn cynnwys trafodaeth gyffredinol ar y pynciau canlynol:

• addysg ffurfiol neu gymwysterau mewn meysydd cysylltiedig
• profiad blaenorol yn y diwydiant neu’r maes
• dyheadau gyrfa
• ymroddiad amser angenrheidiol
• mynediad at y rhyngrwyd, cyfrifiadur Windows a gwe-gamera/meicroffon

Bydd hyn hefyd yn cynnwys trafodaeth benodol ar y meysydd isod a gyfer y cwrs hwn:

• unrhyw brofiad blaenorol o Microsoft 365
• unrhyw brofiad blaenorol o rolau Gweinyddiaeth TG neu Gymorth TG